दाङ । राष्ट्रिय जनमोर्चा दाङले प्रतिनिधि सभा विघटनको विरोधमा घोराही उपमहानगरपालिका–३ को वर्गद्धा र कुहिरेपानी चोकमा कोण सभा सम्पन्न गरेको छ ।

कोण सभालाई राजमो दाङका अध्यक्ष गणेश आचार्यले सम्बोधन गर्नुभएको थियो। सम्बोधनको क्रममा अध्यक्ष आचार्यले देशमा अहिले नेकपाको सरकार र पार्टीको कारणले देशको गणतन्त्र र संविधान घाइते अबस्थामा छट्पटाइरहेको बताउनुभयो ।

उहाँले राष्ट्रियता कमजोर बनेको, अस्थिरता उत्पन्न भएको र केपी ओलीको स्वेच्छाचारी प्रवृत्ति हाबी भएको भन्दै उहाँले आन्दोलनको बलबाट संसदको पुनर्स्थापना नै आजको आवस्यक्ता भएको बताउनुभयो ।

दुर्व कोण सभाको सञ्चालन राजको घोराही उप महानगरका उपाध्यक्ष मनिराम खनालले गर्नु भएको थियोे । कार्यक्रमा पर्चा वितरण गरिनुका साथै विभिन्न व्यक्तिहरुलाई राजमोको सदस्यता प्रदान गरिएको थियो ।