बुटवल । राष्ट्रिय जनमोर्चा जिल्ला समिति रूपन्देही अन्तर्गत सैनामैना नगर समितिले संगठन र संघर्षका कार्यक्रम तय गरेको छ ।
नगरको संयुक्त बैठक आइतबार अध्यक्ष लालबहादुर क्षेत्रीको अध्यक्षता र सचिव नरबहादुर थापाको संचालनमा बसेको थियो । बैठकमा नेकपा (मसाल) का जिल्ला प्रवक्ता नारायण जिसी, राजमो लुम्बिनी प्रदेश कोषाध्यक्ष गणेश गौतम र शिक्षक केन्द्रीय उपाध्यक्ष कमला बन्जाडेको विशेष उपस्थिति थियो ।
संयुक्त बैठकले वार्डहरूमा प्रशिक्षणात्मक भेला, समिति र विरोधको कार्यक्रम निश्चित गरेको छ। जनभेटघाट, सदस्यता वितरण, प्रशिक्षण, समिति निर्माण र बिरोध सभाको तैयारीको लागि निम्न अनुसार अभियान टोली निर्माण गरेको छ।
पालिकाअन्तर्गत वार्ड १ र २ को माघ १५,१६ र १७ गते टोल गठन र वार्ड स्तरीय प्रशिक्षण जस्को तैयारी को जिम्मा ईन्चार्ज हरि राहडी, गंगा पुन, तुल्सी खनाल र ऋषि पराजुलीलाई दिइएको छ । वार्ड ३ र ४ माघ १८ र १९ गते जिम्मा नरबहादुर थापा, लाल बहादुर क्षेत्री, दल बहादुर मल्ल र लक्ष्मी कुँवरलाई दिइएको छ ।
यसैगरी वार्ड नं ५ र ६ माघ २१, २२ र २३ गते प्रेमलाल पुरी, धनन्जय पोख्रेल, हरि पोख्रेल र जयश्वर रेग्मी तथा वार्ड ७को वार्ड भेला माघ २४ गते जिम्मा राम बस्याल, वार्ड ८ को २६ गते कृष्ण बम मल्ल, लालबहादुर क्षेत्री र कल्पना मल्ललाई दिइएको छ ।
यस्तै, वार्ड १० र ११ को वार्ड भेलाको लागि जिम्मा कृष्ण पोख्रेल, विष्णुप्रसाद पौडेल, भिम राहाडी र हरिलाल बस्याललाई जिम्मेवारी लगाईएको छ। वार्ड स्तरमा कलाकार सहित विरोध कार्यक्रम गर्ने समेत निर्णय गरिएको छ।
फाल्गुन १ गते ट्राफिक चोकबाट सुरु गरि भैरहवा पुगेर बिरोध सभामा परिणत हुने रूपन्देही जिल्ला स्तरीय मोटरसाइकल रैलीमा ब्यापक सहभागी गराउने बैठकले निर्णय गरेको छ ।
