शंकरप्रसाद पोखरेल, गुल्मी ।
राष्ट्रिय जनमोर्चा गृुल्मीले जिल्लाव्यापी ‘संगठन र संघर्ष’ अभियान घोषणा गरेको छ । बुधबार सम्पन्न अगुवा कार्यकर्ता भेलाले प्रतिनिधि सभा विघटनविरुद्ध संघर्ष गर्दै जिल्लामा संगठन निर्माणको योजना तय गरेको हो ।
कार्यक्रमलाई सम्बोधन गर्दै राजमोका पूर्व केन्द्रीय सल्लाहकार सुरेस थापाले सरकारले चालेको असंवैधानिक कदमका कारण साम्राज्यवादीहरु चलखेल गर्ने मौका पाएको उल्लेख गर्दै संसद पुनर्स्थापना र एमसीसी खारेजीमा जोड दिनुभयो ।
यस्तै, नेकपा (मसाल) का जिल्ला प्रवक्ता ओमेन्द्र कुँवरले पार्टीका कार्यकर्ताहरु लेनिनवादी संगठनात्मक सिन्द्दातमा अगाडि बढ्ने गरि संगठन निर्माण गर्नुपर्ने कुरामा जोड दिनुभयो ।
कार्यक्रमलाई राजमो केन्द्रीय सदस्य तथा कालीगण्डकी गाउँपालिकाकी उपाध्यक्ष तरा थापा, मूल प्रवाह अखिल भारत नेपाली एकता समाजका केन्द्रीय प्रतिनिधि रामकुमार क्षेत्रीलगायत वक्ताहरुले सम्बोधन गर्नुभएको थियो ।
राजमो जिल्ला अध्यक्ष जीवन रानाको अध्यक्ष र सचिव छविलाल सर्तुङगीको सञ्चालनमा अघि बढेको भेलामा जिल्ला उपाध्यक्ष रामेस्वर खत्रीले स्वागत गर्नुभएको थियो ।
कार्यक्रममा कोषाध्यक्ष टेकबहादुर केसीले एक महिने संङ्गठन र संघर्षका कार्यक्रमको घोषणा गर्नुभएको थियो । कार्यक्रम अन्तर्गत हरेक स्थानीय तहमा कम्तिमा एक हप्तासम्म संगठन निर्माण तथा संसंसद विघटनविरुद्ध संघर्षका कार्यक्रमहरु हुनेछन् ।
