प्युठान । झिमरुक गाउँपालिका वडा न ८ टिमुरचौरका विभिन्न पार्टीमा आवद्ध कार्यकर्ताहरु राष्ट्रिय जनमोर्चामा समाहित हुनुभएको छ । स्थानीय स्तरको विकास निर्माणका साथै राष्ट्रिय राजनीतिमा स्पष्ट र सहि विचार बोकेको पार्टी राष्ट्रिय जनमोर्चा नै भएको ठहर गर्दै उहाँहरु जनमोर्चामा प्रवेश गर्नुभएको हो ।
टिमुरचौर निवासी गोपाल गिरी, वसन्त गिरी, चन्द्रु गिरी, डिलु गिरी लगाएतका स्थानीय नेता कार्यकर्ताहरू राष्ट्रिय जनमोर्चामा आवद्ध हुनु भएको छ । उहाँहरुलाई राष्ट्रिय जनमोर्चा लुम्बिनी प्रदेशका सदस्य तिलक जिसिले पार्टी सदस्यता प्रदान गरेर स्वागत गर्नुभएको छ ।
उहाँहरु स्वतस्फूर्त पार्टी कार्यालयमा आई आफूहरु सामूहिक रुपमा पार्टीमा आवद्ध हुन चाहेको वताउनुभएको थियो । उहाँहरुले स्थानीय तहको विकासको लागि सम्पूर्ण जनतालाई राष्ट्रिय जनमोर्चाको विचारमा गोलवन्द हुन समेत अपिल गर्नुभयो ।
कार्यक्रममा राष्ट्रिय जनमोर्चा झिमरुक गाउँपालिकाको कार्यालयमा आयोजित संक्षिप्त कार्यक्रममा राष्ट्रिय जनमोर्चाका जिल्ला सदस्य टीका जिसी, जातीय समता समाजका जिल्ला सचिव अइन्द्र विक, अखिल नेपाल शिक्षक संघ जिल्ला सदस्य शंकर वस्नेत, अखिल नेपाल युवक संघका झिमरुक अध्यक्ष भरत ढकाल र विद्यार्थी नेता नवीन केसीको उपस्थिति रहेको थियो ।
