काठमाडौँ । पछिल्ला केही दिनयता अमेरिकामा कोरोनाबाट मृत्यु हुनेको सङ्ख्या बढ्दै गएको छ । आज बिहानसम्मको चौबिस घण्टामा त्यहाँ १९ सय ५६ जनाको मृत्यु भएको छ ।
वल्र्डोमिटर्सका अनुसार हिजो बिहानसम्मको चौबिस घण्टामा १६ सय ५८ जना मृतक थपिएका थिए ।
आजसम्मको तथ्याङ्कमा अमेरिका कुल मृतकको सङ्ख्या दुई लाख ५६ हजार २५४ पुगेको छ ।
आज बिहानसम्मको चौबिस घण्टामा एक लाख ७३ हजार ६३२ नयाँ सङ्क्रमित थपिएसँगै त्यहाँ कुल सङ्क्रमितको सङ्ख्या एक करोड १८ लाख ७३ हजार ७२७ पुगेको छ ।
अहिलेसम्म विश्वभरिमा पाँच करोड ६५ लाख ५४ हजार ९१३ कुल सङ्क्रमित पुगेका छन् । कुल मृतकको सङ्ख्या १३ लाख ५४ हजार ५५२ पुगेको छ । हालसम्म ३ करोड ९३ लाख ४८ हजार ५८५ जना निको भएर डिस्चार्ज भएका छन् । अहिले विश्वमा एक करोड ५८ लाख ५१ हजार ७७६ सक्रिय सङ्क्रमित रहेका छन् । त्यसमध्ये एक लाख एक हजार ४५८ जना गम्भीर बिरामी रहेका छन् ।
