काठमाडौं । नेपालमा कोरोनाका कारण मृत्यु हुनेको संख्या १ हजार ४ जना पुगेको छ । स्वास्थ्य तथा जनसंख्या मन्त्रालयले मंगलबार दिएको जानकारी अनुसार पछिल्लो २४ घण्टामा देशभरमा थप २० जनाको कोरोना संक्रमणबाट मृत्यु भएको हो ।
३१ सय १४ संक्रमित थपिए
पछिल्लो २४ घण्टामा थप ३ हजार ११४ जनामा कोरोना भाइरसको संक्रमण पुष्टि भएको छ । योसँगै नेपालमा कोरोना संक्रमितको संख्या १ लाख ७९ हजार ६१४ पुगेको छ भने सक्रिय संक्रमितको संख्या ३७ हजार ४७६ रहेको छ ।
थप ११ हजार १६६ पीसीआर परीक्षण भएसँगै अहिलेसम्म भएको परीक्षणको संख्या १४ लाख ८० हजार ९७८ पुगेको छ।
त्यस्तै, पछिल्लो २४ घण्टामा थप ३ हजार १४२ जना कोरोना संक्रमित निको भएका छन् । योसँगै निको हुनेको संख्या १ लाख ४१ हजार १३४ पुगेको छ ।
उपत्यकामा थपिए १४ सय ६८ संक्रमित
काठमाडौं उपत्यकामा पछिल्लो २४ घण्टामा थप १ हजार ४६८ जनामा कोरोना भाइरसको संक्रमण पुष्टि भएको छ।
मन्त्रालयका अनुसार उपत्यकाका तीन जिल्ला काठमाडौँमा १ हजार २४२, भक्तपुरमा ६३ र ललितपुरमा १६३ जनामा कोरोना पुष्टि भएको हो।
