काठमाडौं । नेपालमा पछिल्लो २४ घण्टामा थप २ हजार ८२४ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयले आइतबार प्रेस ब्रिफिङमा थप २ हजार ८२४ कोरोना भाइरसको संक्रमण देखिएको जानकारी दिइएको छ ।
मन्त्रालयका प्रवक्ता प्राडा जागेश्वर गौतमका अनुसार आज देशभरमा सक्रिय संक्रमितको संख्या ३७ हजार ७६५ रहेको छ । पछिल्लो २४ घण्टामा थप १३ हजार २३ पीसीआर परीक्षण भएसँगै अहिलेसम्म भएको परीक्षणको संख्या १४ लख ५६ हजार ३६६ पुगेको छ।
मन्त्रालयका अनुसार पछिल्लो २४ घण्टामा थप ३ हजार ६२० जना कोरोना संक्रमित निको भएका छन् । योसँगै निको हुनेको संख्या १ लाख ३४ हजार ८४२ पुगेको छ । यो कूल संक्रमितको ७७.७ प्रतिशत हो।
उपत्यकामा थपिए १६ सय २२ संक्रमित
काठमाडौँ उपत्यकामा पछिल्लो २४ घण्टामा थप १ हजार ६२२ जनामा कोरोना भाइरसको संक्रमण पुष्टि भएको छ । प्रावक्ता डा. गौतमका अनुसार उपत्यकका तीन जिल्लामा थप जनामा १ हजार ६२२ कोरोना भाइरसको संक्रमण देखिएको हो । काठमाडौँमा १ हजार ३६२, भक्तपुरमा ९६ र ललितपुरमा १६४जनामा कोरोना संक्रमण पुष्टि भएको हो।
