लोकेन्द्र पौडेल, चेन्नै ।
चेन्नैमा मूल प्रवाह अखिल भारत नेपाली एकता समाजका चारैओटा नगर समितिको संयुक्त आयोजनामा प्रगतिशील भैलो कार्यक्रम सम्पन्न भएको छ ।
चेन्नैका पूर्व, पश्चिम, उत्तर र दक्षिण नगर समितिको संयुक्त आयोजनामा नोभेम्बर ७, २०२६ का दिन सो कार्यक्रम सम्पन्न भएको हो ।
भैलोको उद्घाटन मूल प्रवाहका केन्द्रीय सदस्य चन्द्रबहादुर थापाले पानसमा बत्ती बालेर गर्नुभएको थियो ।
कार्यक्रमलाई प्रमुख अतिथि थापासँगै अर्का केन्द्रीय सदस्य काशिराम शर्मा, दक्षिण भारत क्षेत्रीय समितिका कोषाध्यक्ष लोकेन्द्र पौडेल, महिला विभागकी गोमाकुमारी शाही, रक्तिम सांस्कृतिक अभियानका पूर्व उपाध्यक्ष दलबहादुर विक र जनजाति विभागका डिलबहादुर जिएमले शुभकामना दिनुभएको थियो ।
सो अवसरमा क्षेत्रीय सदस्यहरू नेत्रलाल शर्मा, कोटिप्रसाद पोख्रेल र रोमबहादुर सापकोटा, समता विभागका प्रकाशबहादुर नेपाली र चेन्नै उत्तर नगर समितिका सदस्य मानबहादुर केसीको आतिथ्य रहेको थियो ।
क्षेत्रीय सदस्य तथा चेन्नै उत्तर नगर समितिका अध्यक्ष गोपाल विकको अध्यक्षतामा अघि बढेको उक्त कार्यक्रमको सञ्चालन अर्का क्षेत्रीय सदस्य तथा चेन्नै पश्चिम नगर समितिका अध्यक्ष किशोर शर्माले गर्नुभएको थियो ।
कार्यक्रममा उपस्थित सहभागीलाई शब्दबाट क्षेत्रीय सदस्य तथा चेन्नै पूर्व नगर समितिका अध्यक्ष ओमकान्त शर्मासँगै सांस्कृतिक विभागका कलाकारहरूले गीतसङ्गीतबाट स्वागत गर्नुभएको थियो ।
