खिमराज चालिसे,
चण्डीगढ, भारत । मूल प्रवाह अखिल भारत नेपाली एकता समाज, नगर समिति जालन्धरले मृगौला पीडित नरबहादुर रेश्मीको उपचारका लागि ५५ हजार रुपैयाँ आर्थिक सहयोग गरेको छ।
विगत एक वर्षदेखि दुवै मृगौला फेल भई नियमित डायलाइसिस गराउँदै आएका रेश्मीको उपचारमा राहत पुर्याउने उद्देश्यले मूल प्रवाहले कार्यकर्तास्तरबाट रकम संकलन गरी पीडितका आफन्तलाई हस्तान्तरण गरेको हो।
अर्घाखाँची जिल्लाको पाणिनी गाउँपालिका–५, ढाँड मैदान, क्यामराघारी निवासी ५२ वर्षीय नरबहादुर रेश्मी मूल प्रवाह सुदूरपश्चिमोत्तर महिला विभागकी सदस्य मीना थापाका दाजु हुन्।
पीडित रेश्मीको उपचारमा सहयोग पुर्याउने उद्देश्यले मूल प्रवाहको स्थानीय समितिले स्वतःस्फूर्त रूपमा आर्थिक सहयोग अभियान सञ्चालन गरेको थियो।
संकलित ५५ हजार रुपैयाँ गत २ अक्टोबर २०२६ मा पीडितका जेठान खुमबहादुर रेश्मीलाई हस्तान्तरण गरिएको मूल प्रवाहका केन्द्रीय सचिव कुलबहादुर बगालेले जानकारी दिनुभयो।