भालुबाङ, भाद्र ३० । हरितालिका तीज राप्ती गाउँपालिकाका विभिन्न शिवालय, चौपारी तथा सार्वजनिक स्थलहरूमा मनाइएको छ ।

यस बर्षको तीजमा नारीहरूले बिगतमा झै तडकभडक र गरगहनामा सजिएको देखिएन । भाद्र १० गते रसुवा लगायतका जिल्लाहरूमा आएको बिनाशकारी बाढीले मानविय तथा भौतिक संरचनाहरूको विध्वसं गरेका कारण भोटेकोशी लगायतका विभिन्न स्थानहरूमा भएको धनजनको बिनाश समेटेर तीजका भाकाहरू गाइएको पाइएको थियो ।

यसैक्रममा राप्ती गा.पा.१ भालुबाङस्थित हनुमानगढी मन्दिरमा लिङ्गे पिङ, बाध्यबादन र साउन्ड सिस्टमका अतिरिक्त स्वच्छ पिउने पानीको व्यवस्था मन्दिर व्यवस्थापन समितिले गरेको थियो । त्यसै गरि शान्तिपुर चैते पिपलटारी चौपारीमा भएको तीज महोत्सवमा चर्खे पिङ दुइवटा, स्वच्छ पिउने पानी, गाडी पार्किङको व्यवस्था प्रगतिशिल स्वास्थ्य आमा समुह शान्तिपुर चैतेले गरेको थियो ।

त्यस्तै राप्ती गा.पा.१ पुल्चोक भालुबाङ लगायत चपटारे चौपारी पाखापानीमा पनि सो कार्यक्रम सम्पन्न भएका थिए ।

त्यसैगरि वडा नं. ३ स्थित घण्टदेव सामुदायीक बन उपभोक्ता समुहको व्यवस्थापनमा चर्खे पिङ, स्वच्छ पिउने पानी, शिवालय सरसफाईको व्यवस्थापन पनि समुहले मिलाएको थियो ।
त्यस्तै सिसँहनियास्थित नुतन बाल उद्यान प्रा.वि. राप्ती गा.पा. ५ सिङ्गैमा पनि चर्खे पिङ लगायतका मनोरञ्जनका साधन र बाध्यवादन समेतको व्यवस्थापन स्थानिय महिलाहरूले स्वयम् गरि बाढीबाट ज्यान गुमाएकाहरूको सम्झनामा गित तथा नृत्य प्रस्तुत गर्दै तीज पर्व मनाइएको थियो ।

त्यस्तै सिसहनिया बजारमा पनि प्रगति नगर बजार व्यवस्थापन समितिको व्यवस्थापनमा तीज पर्व मनाइएको थियो ।