प्रवासमा भए पनि देश बचाउने चाहना।
मूल प्रवाहको तर्फबाट शुभकामना॥१॥

संस्कार अनि संस्कृति हुन् समाजका गहना।
यसपालि नि तीजको शुभकामना॥२॥

नेपाललाई माया गर्ने नेपालकै सन्तान हौँ।
देश बचाउने अभियानका गीत गाउँदै छौँ॥३॥

राष्ट्रियता, गणतन्त्र धरापमा पर्दै छ।
विदेशीको इशारामा देश चल्दै छ॥४॥

युवा विदेश पलायन भए, गाउँ रित्तिँदै गएको छ।
भ्रष्टाचार र महँगीले आकाश छोएको छ॥५॥

देश टुक्रिन्छ, सङ्घीयताले खारेज गरौँ भनियो।
देशको हितमा सोच्ने पार्टी ओझेल पारियो॥६॥

हत्या, हिंसा, बलात्कार झन्–झन् बढ्दै गएको छ।
न्याय मरिसकेको देशजस्तो भएको छ॥७॥

नेताले त पुस्तौँ चल्ने धन–सम्पत्ति कमाए।
जनताको रगत–पसिनामा आगो लगाए॥८॥

जले देशका धरोहर, त जले देशका गहना।
सांसदबाटै हामीले सीमा मिच्यौँ नभन॥९॥

सुस्ता लग्यो, कालापानी–लिपुलेक लैसक्यो।
उठ, जाग जनता सबै, अबेर भइसक्यो॥१०॥

न्याय अनि समानता लेख्ने बनोस् कलम।
यो गीतलाई यहीँ रोक्छु, लाल सलाम॥११॥