काठमाडौं । सरकारले सरकारी सेवाबाट अवकाश प्राप्त गरी निवृत्तिभरण (पेन्सन) वा उपदान लिइसकेका व्यक्तिलाई पुनः करार सेवामा राख्न नपाइने निर्णय गरेको छ। यस निर्णयअनुसार हाल करार सेवामा कार्यरत त्यस्ता कर्मचारीले २०८३ साल साउन १ गतेदेखि सरकारी निकायमा करार सेवाको निरन्तरता पाउने छैनन्।

भूमि व्यवस्था, सहकारी तथा गरिबी निवारण मन्त्रालय र सङ्घीय मामिला तथा सामान्य प्रशासन मन्त्रालयले शुक्रबार सबै सरकारी निकायलाई परिपत्र जारी गर्दै उक्त निर्णय कार्यान्वयन गर्न निर्देशन दिएका छन्।

मन्त्रालयका शाखा अधिकृत सजिव नेपालको हस्ताक्षर रहेको परिपत्रमा सरकारी सेवाबाट अवकाश प्राप्त गरी उपदान लिइसकेका वा हाल निवृत्तिभरण पाइरहेका करार कर्मचारीलाई २०८३ साउन १ गतेदेखि सेवा निरन्तरता नदिने उल्लेख गरिएको छ।