काठमाडौँ । राष्ट्रिय जनमोर्चाका केन्द्रीय सल्लाहकार आनन्द शर्मा मातृशोकमा पर्नुभएको छ ।
जेठा छोरा आनन्द शर्मासँगै माहिला छोरा उपेन्द्र शर्मा, साहिला छोरा नेत्रनाथ शर्मा र कान्छा योगराज उपाध्यायसमेतकी ७८ वर्षीया आमा कौशिला पाध्याको २०८३ जेठ २३ गते शनिबार निधन भएसँगै नेता शर्मा मातृशोकमा पर्नुभएको हो ।
बागलुङ जिल्ला जैमिनी नगरपालिका–७ जैदी निवासी स्मृतिशेष कौशिलालाई हप्तादिनअघि ब्रेन ह्यामरेज भएपछि उपचारका लागि काठमाडौँ ल्याइएको थियो । त्रिवि शिक्षण अस्पतालमा उहाँको टाउकोको शल्यक्रिया पनि भएको थियो ।
शनिबार बिहान डक्टरको टिमले कौशिलालाई मृत घोषणा गरेको शर्माले युगदर्शनलाई जानकारी दिनुभयो ।
उहाँको दाहसंस्कार आइतबार जैमिनीस्थित कालीगण्डकी घाटमा गरिने परिवारले जानकारी दिएको छ ।
स्मृतिशेष कौशिलाका चार भाइ छोरामध्ये आनन्द शर्मा जेठो छोरा हुनुहुन्छ । जेठी बुहारी सुधा शर्मा पनि राजमो सदस्य हुनुहुन्छ ।
