काठमाडौँ । फागुन २१ गतेको निर्वाचनमा स्थानीय प्रशासनले बागलुङ बरेङ गाउँपालिकाका अध्यक्ष कृष्ण शर्मा र वडा नं. १ धुल्लुबाँस्कोटका वडाअध्यक्ष नरसेङ पुनसित दुव्र्यवहार गरेको छ ।
राष्ट्रिय जनमोर्चा धुल्लुबाँस्कोट वडासमितिले २०८२ फागुन २२ गते शुक्रबार वक्तव्य जारी गर्दै प्रशासनको दुव्र्यवहारको विरोध गरेको हो ।
राजमो वडासमितिका सचिव टिकासम गलामीले जारी गर्नुभएको वक्तव्यमा धुल्लुबाँस्कोट मतदान केन्द्रमा फागुन २१ गते बिहानै मतदान कर्मचारी नै नेपाली कङ्ग्रेससित मिलेमतो गरेको बताइएको छ ।
मतदानको दिन कर्मचारी, सुरक्षा निकाय र अन्य राजनीतिक पार्टीको मिलेमतोमा अध्यक्ष शर्मा, वडाअध्यक्ष पुनप्रति दुव्र्यवहार गर्ने, मतदातालाई आतङ्कित गर्ने, मतदानस्थल कब्जा गर्ने, मतदातालाई अनावश्यक दु:ख दिनेलगायतका गतिविधि गरिएको वक्तव्यमा उल्लेख छ ।
राजमोले मतदानका दिन बागलुङ प्रशासनको त्यस प्रकारको दुव्र्यवहारको विरोधस्वरूप मुचुल्कामा हस्ताक्षर नगरेको वक्तव्यमा जानकारी दिइएको छ ।
वक्तव्यमा प्रशासन, कर्मचारी र अन्य राजनीतक दलको दमन र साँठगाँठका बाबजुद उच्च साहसका साथ मतदान गर्ने मतदातालाई धन्ववाद ज्ञापन गरिएको छ ।
