महेश रिजाल, भालुबाङ ।
लुम्बिनी प्रदेशभित्रका अखिल नेपाल किसान महासङ्घ (अप्फा) को जिल्ला समिति बैठक आगामी पुस महिनाभित्रै बस्ने भएको छ ।
२०८२ मङ्सिर ५ गते शुक्रबार भालुबाङको रामजहदी सामुदायिक वन उपभोक्ता समूहको पार्कमा सम्पन्न प्रदेश समितिको बैठकले सो निर्णय गरेको हो ।
महासचिव तुलसीराम सापकोटाको विशेष उपस्थिति तथा प्रदेश अध्यक्ष शिव पौडेलको अध्यक्षतामा सो बैठक बसेको थियो ।
बैठकपूर्व महासचिव सापकोटाले समसामयिक राजनीतिक परिस्थिति र किसान आन्दोलनको उठानबारे प्रशिक्षण दिनुभएको थियो ।
प्रदेश समितिका अध्यक्ष पौडेलले दिनुभएको जानकारीअनुसार लुम्बिनी प्रदेशका दाङ र बाँके जिल्लामा किसान आन्दोलनलाई अगाडि बढाउन विशेष जोड दिने निर्णय गरेको छ ।
त्यस्तै प्रदेशका १२ ओटै जिल्लाका बैठक सम्पन्न गर्न तथा किसान आन्दोलनको उठानका लागि प्रदेश समितिका पदाधिकारी तथा सदस्यलाई जिम्मा दिइएको पनि जानकारी दिइएको छ ।
