अचेल गमलामै फुल्छन् फूलहरू
गमलामा फुल्ने फूलहरू
सम्माननीय छन् पुजनीय छन्
सुनका चुरा र वालाहरूले सिँगारिएका
मुलायम, चिल्ला हातहरुले
सुम्सुमाइन्छन् गमलाका फूलहरू
तिनै फूलहरूसँग सेल्फी लिन्छन् मान्छेहरू
तिनै फूलहरूतिर सोझिन्छन्
पत्रकारका महङ्गा क्यामराहरू
अचेल वेवास्तामा पर्दैछन्‌
भुँइमा फुल्ने फूलहरू
गोबर लट्पटीएका
खस्रा हातहरूले गोडिएका
गाइ गोरुका खुरहरूले कुल्चीएका
तुसारोले कचल्टिएका
तर बासनादार फूलहरू !
यिनै वेवास्तामा परेका फूलहरूको
समाचार लेखिरहनु युगदर्शन तिमी
तिम्रा क्यामराले
यिनै भुँइफूलहरूको सुन्दरता खिचिरहनु
यिनै भुँइफूलहरूको बासना बोकेर
वर्गसँघर्षको दर्शन पछाइरहनु
परिवर्तको दर्शन फैलाइरहनु
युगदर्शन तिमीलाई
जन्मदिनको शुभकामना !