काठमाडौँ । आगामी मङ्सिर ११ देखि १३ गतेसम्म आयोजित अन्तर्राष्ट्रिय महिला सेमिनारका आयोजकले नेकपा (मसाल) का महामन्त्री मोहनविक्रम सिंहसँग भेटघाट गरेका छन् ।
२०८२ कात्तिक २४ सोमबार राष्ट्रिय जनमोर्चाको केन्द्रीय कार्यालय भवनमा सो भेटघाट तथा बैठक सम्पन्न भएको हो ।
सो अवसरमा महामन्त्री सिंहले अन्तर्राष्ट्रिय महिला सेमिनारको अयोजना नेपालमा हुनुले महŒव राख्ने बताउनुभयो ।
सिंहले उक्त सेमिनारलाई आर्थिक, नैतिक एवम् भौतिक सहयोग गर्ने आश्वासन पनि दिनुभयो ।
भेटघाटसँगै सम्पन्न बैठकमा अन्तर्क्रिया कार्यक्रमलाई जेनजी आन्दोलनका कारण आर्थिक रूपमा प्रभाव पारेको विषयमा छलफल चलेको थियो ।
बैठकमा सबै कम्युनिस्ट पार्टीसँग आर्थिक सहयोगका लागि अपिल गर्ने कार्यक्रम रहेको बताइएको छ ।
त्यस्तै कार्यक्रममा सेमिनारलाई कसरी प्रभावकारी बनाउने भन्नेबारे व्यापक छलफल भएको थियो ।
देशविदेशबाट आउने प्रतिनिधिलाई सुरक्षाको प्रत्याभूति गराउन प्रधानमन्त्री, गृहमन्त्री र सुरक्षा निकायसित भेट गर्ने कार्यक्रम रहेको महिला सेमिनारकी एसिया कोअर्डिनेटर दुर्गा पौडेलले युगदर्शनलाई जानकारी दिनुभयो ।
पौडेलका अनुसार कार्यक्रम बुढानीलकण्ठ नगरपालिका–१० स्थित सुकुन्डा बेङ्क्वेटमा हुनेछ । देशविदेशबाट करिब चार सय प्रतिनिधिको सहभागिता रहनेछ ।
कार्यक्रममा नेकपा (मसाल), क्रान्तिकारी कम्युनिस्ट पार्टी नेपाल, नेपाल कम्युनिस्ट पार्टी विप्लव पक्ष र नेपाली कम्युनिस्ट पार्टीसम्बद्ध महिला सङ्गठनको प्रतिनिधित्व रहेको थियो ।
सेमिनारमा देशविदेशबाट आउने प्रतिनिधिले महिला अधिकार, साम्राज्यवाद, पर्यावरणलगायत विभिन्न विषयमा छलफल गरिने आयोजकले जनाएको छ ।
