जयपुर । मूल प्रवाह अखिल भारत नेपाली एकता समाज जयपुर उत्तर एवम् दक्षिण नगर महिला विभागले संयुक्त आयोजनामा तिजी कार्यक्रम सम्पन्न गरिएको छ ।
२६ अगस्त २०२५ का दिन सम्पन्न तिजी कार्यक्रममा अध्यक्षता हुमा रजालीले र सञ्चालन दीपा थापाले गर्नुभएको थियो । कार्यक्रममा सहभागिहरूलाई बीना थापाले स्वागत गर्नुभएको थियो ।
कार्यक्रम केन्द्रीय सदस्य मोहन गिरीको प्रमुख आतिथ्य रहेको थियो ।
गिरीले कार्यक्रमलाई सम्बोधन गर्दै मूल प्रवाह अखिल भारत नेपाली एकता समाज भारतमा रहने नेपालीहरूको हकहित र अधिकारको लागि लड्ने एक मात्र संगठन भएको बताउनु भयो । ‘देशको राष्ट्रिय अखण्डता माथि आँच आउँदा त्यसको रक्षार्थ बलिदानी दिन तयार रहेका सच्चा देशभक्त नेपालीहरूको संगठन मूल प्रवाह हो ।’
कार्यक्रममा अर्का केन्द्रीय समिति सदस्य बेल बहादुर रजाली, केन्द्रीय प्रतिनिधि रिम राना, विद्यार्थी केन्द्रीय सदस्य साक्षी थापा, योग गुरु योगाचार्य ढाकाराम सापकोटा, पश्चिमोत्तर क्षेत्रीय उपाध्यक्ष ओम थापा, सदस्य टंक थापा, नारायण ज्ञवाली, पश्चिमोत्तर क्षेत्रीय महिला विभाग सदस्य माया थापा, कल्पना थापा, लक्ष्मी केसी, पश्चिमोत्तर क्षेत्रीय कलाकार विभाग सदस्य बाबुराम थापालगायतको आतिथ्य रहेको थियो ।
