श्रीगंगानगर । मूल प्रवाह अखिल भारत नेपाली एकता समाज श्रीगंगानगर नगर समितिको आयोजनामा तिजी कार्यक्रम सम्पन्न पारिएको छ । अगस्त २५, २०२५ का दिन सम्पन्न सो कार्यक्रमलाई समाजका महासचिव त्रिभुवन भट्टराईले सम्बोधन गर्नुभएको थियो ।
कार्यक्रमलाई सम्बोधन गर्दै तिज पर्वलाई नारी अधिकार र सशक्तिकरणको पक्षमा उपयोग गरिनुपर्ने भट्टराईले जोड दिनुभएको थियो ।
बसन्ता नेपालीको अध्यक्षता र रेशम भण्डारीको सञ्चालनबाट अगाडि बढेको उक्त कार्यक्रमलाई कृष्णा नेपाली र रक्तिमका कलाकारहरूले स्वागत गर्नुभएको थियो ।
कार्यक्रममा केन्द्रीय सदस्य कृष्ण जिसी, क्षेत्रीय सदस्य हुम बहादुर विक, गिरुप्रसाद न्यौंपाने, विष्णु थापा, क्षेत्रीय विद्यार्थी विभागबाट आरती नेपाली, साँस्कृतिक विभागबाट कृष्णा नेपाली, शिवा नेपाली, महिला क्षेत्रीय विभागबाट कमला खड्का, कमल जिसी, सरस्वता न्यौंपाने, बोम बहादुर विष्ट, नगर समितिबाट नारायण न्याँैपाने, समता विभागबाट प्रेम विक र सविता, मोनु थापा नेहरा नगर एरिया सदस्य, निरज थापा देबनगर एरिया सदस्यलगायतले आतिथ्य गर्नुभएको थियो ।
