भिवाडी । मूल प्रवाह अखिल भारत नेपाली एकता समाज नगर समिति भिवाडीले २०८२ सालको प्रगतिशील तिजी कार्यक्रम भव्य रुपमा सम्पन्न पारेको छ । कार्यक्रम २४ अगस्त २०२५ को दिन भव्य रूपमा सम्पन्न भएको छ।
“प्रवासी नेपालीहरुको मताधिकार र समानुपातिक प्रतिनिधित्वका लागि संघर्ष गरौँ, भारतस्थित नेपालीहरूको हकहित र सामाजिक सुरक्षाको लागि संगठित बनौँ” भन्ने मूल नाराका साथ सम्पन्न भिवाडी नगरको समितिको तिजी समारोहको उद््घाटन मूल प्रवाहका केन्द्रीय सदस्य एबम् पश्चिमोत्तर क्षेत्रीय समितिका अध्यक्ष सालिकराम आचार्यले दिप प्रज्वलित गरेर गर्नुभएको थियो ।
केन्द्रीय सदस्य कृष्टी राई, क्षेत्रीय कोषाध्यक्ष रामप्रसाद घिमिरे, क्षेत्रीय सदस्य क्रमशः राम बहादुर थापा, काजीराम श्रेष्ठ र देबराज पुन, निमराना नगर समितिबाट पुर्ण भण्डारी, केन्द्रीय विद्यार्थी बिभागबाट सृष्टि राई, क्षेत्रीय बिद्यार्थी बिभागबाट रानी थापा, नगर अध्यक्ष नारायण शर्मा, नगर कोषाध्यक्ष किशोर राई, धारुहेडा एरियाबाट धु्रब थापा, नगर खेल बिभागबाट डम्बर केसी, उपसचिव अर्जुन परियार, महिला नगर बिभागबाट सीता पाण्डे, धौलागिरी आपतकालीन सञ्चयकोषका संस्थापक जित बहादुर परिवार र फलफुल बितरण ब्यबस्थापन समितिबाट क्षेत्र परियार लगायतको आतिथ्य रहेको थियो।
रेखा खड्काद्वारा सञ्चालन भएको सो तिजी कार्यक्रमको अध्यक्षता महिला बिभागका संयोजक सबिता खत्रीले गर्नुभएको थियो भने उपस्थित जनसमुदायलाई बिभागका सदस्य निकिता शर्माले मन्तव्य मार्फत स्वागत गर्नुभएको थियो । त्यस्तै कलाकारहरूले गीत संगीतमार्फत स्वागत गर्नु भएको थियो ।
समारोहमा दिनभर महिला दिदिबहिनीहरूले प्रगतिशील तिजका गीत तथा नृत्य प्रस्तुति दिनु भएको थियो ।
