खिमराज चालिसे, (चन्डिगढ)
भारतको चन्डिगढ़ मोहालीस्थित बेहलोलपुर गाउँमा नेपाली युवक अर्जुन विकको सर्पले डसेर मृत्यु भएको छ ।
२२ जुलाई २०२५ मङ्गलबारको बिहान ४ बजे ३० वर्षीय विकको दुखद निधन भएको हो ।
विक परिवारसहित बेड़मा सुतिरहेको अवस्थामा कमन (करेत) प्रजातिको सर्पले दुईपटकसम्म डसेपछि उनलाई नजिकैको अस्पताल पुराईएको थियो ।
स्थानिय अस्पतालले उनको अवस्था देखेर सेक्टर ३२ चन्डिगढ़ रिफर गरेपछि उनलाई अस्पतालमा ल्याएर उपचारको क्रममा दुखद निधन भएको बुबा भागिराम विकले बताएका छन ।
मृतक अर्जुन विक रोल्पा जिल्लाको त्रिवेनी गाउँपालीका वडा नं. २ नुवागाउँ ह्याङ स्थाई निवासी भागिराम विकका जेठा छोरा हुन ।
मूल प्रवाह चन्डिगढका पूर्व नगर सदस्य रहेका मृतकका बुबा भागिराम विक र परिवारप्रति समवेदना प्रकट गर्न मूल प्रवाहका केन्द्रीय सदस्य खिमराज चालिसे, नगर अध्यक्ष मानबहादुर केसी नगर सदस्यहरू किसन खनाल र जितेन्द्र गुरुङ लगाएतका नेता कार्यकर्ता अस्पतालमा पुगेका थिए। मृतकको शव हिजो परिवारसहित नेपाल पठाईएको छ।
