काठमाडौं । सुनचाँदी व्यवसायीहरूले आज पनि काठमाडौंमा प्रदर्शन गरेका छन् । शुक्रवार पनि व्यवसायीहरूले काठमाडौंको माईतीघर मण्डलामा प्रदर्शन गरेका हुन् ।

उनीहरूले सुन तथा सुनका गहनामा लगाइएको दुई प्रतिशत विलासिता कर, हिरा तथा बहुमूल्य पत्थरमा १३ प्रतिशत भ्याट लगाइएको भन्दै यसलाई हटाउन माग गरेका छन् । सुनको भन्सार ६ प्रतिशत कायम गर्न, सुनचाँदीको कारोबारको लागि स्पष्ट नीति, नियमावली निर्माण गर्न, सुन तथा सुनका गहनामा लगाइएको दुई प्रतिशत विलासिता कर हटाउनु पर्ने उनीहरूको माग रहेको छ ।

हिरा तथा बहुमूल्य पत्थरमा १३ प्रतिशत भ्याट खारेज गर्नमा पनि उनीहरूको जोड रहेको छ । उनीहरूले ‘हाम्रो पसिना, हाम्रो पहिचान, सुनचाँदी व्यवसाय हाम्रो सम्मान’ लगायतका प्लोकार्ड र नारासहित विरोध गरिरहेका छन् ।