पोखरा । कास्कीमा एक सय छत्तिसौँ मे दिवस मनाइएको छ ।
अखिल नेपाल ट्रेड युनियन महासङ्घ (अन्टुक) कास्कीको आयोजनामा २०८२ वैशाख १८ गते बिहीबार सो कार्यक्रम सम्पन्न भएको हो ।
कार्यक्रममा प्रमुख अतिथि अन्टुकका केन्द्रीय सदस्य नामबहादुर बाठामगरले मन्तव्य राख्दै मे दिवसको इतिहासबारे प्रकाश पार्नुभएको थियो ।
कार्यक्रममा अखिल नेपाल युवक सङ्घका अध्यक्ष गणेश अधिकारी, राजमो केन्द्र्रीय सदस्य तथा गण्डकी प्रदेश समितिका अध्यक्ष शङ्कर बराल, मूल प्रवाह अखिल नेपाल भारत एकता समाजका केन्द्रीय उपाध्यक्ष कुलबहादुर थापा, अखिल नेपाल जनजाति सम्मेलनका गण्डकी प्रदेश अध्यक्ष डम्बरबहादुर थापा, अखिल नेपाल महिला सङ्घ केन्द्रीय सदस्य लक्ष्मी कुँवर, नेकपा (मसाल) कास्कीका प्रवक्ता चन्द्रबहादुर केसी, अखिल (छैठौं) कास्कीका सदस्य विवेक विकले मन्तव्य राख्नुभएको थियो ।
विष्णु पुरी सञ्चालत तथा प्रवीण पौडेलको अध्यक्षतामा अघि बढेको उक्त कार्यक्रममा सहभागीलाई गोकुल गायकले स्वागत गर्नुभएको हो ।
