काठमाडौं । गएको बुधबार काठमाडौंको पिंगलास्थानस्थित बागमती होटलमा एक युवती मृत फेला परिन् ।
होटलको बाहिरबाट ताला लगाएको अवस्थामा भित्र मृत फेला परेकी युवतीसँग सँगै एक युवक बसेको पाइएको थियो ।
घटनापछि फरार रहेका ती युवकसमेत शनिबार मृत फेला परेका छन् ।
बुधबार उक्त होटलको ३०८ नम्बरको कोठामा २१ वर्षीया सुस्मिता खड्का मृत भेटिएकी थिइन् ।
प्रारम्भिक अनुसन्धानका क्रममा ओखलढुंगाका देवबहादुर थापा पनि युवतीसँग सोही होटलमा बस्न पुगेको खुलेको थियो ।
त्यसपछि फरार रहेका ती युवक शनिबार ओखलढुंगाको सुनकोशी गाउँपालिका–३ सिस्नेरीमा झुण्डिएको मृत अवस्थामा भेटिएको जिल्ला प्रहरी कार्यालय ओखलढुंगाले जनाएको छ ।
युवक केही समयअघि मात्रै जापानबाट फर्किएका थिए ।
होटलमा मृत फेला परेकी युवती जापनिज भाषा अध्ययनरत रहेको खुलेको छ । मृत भेटिएकी खड्का जापानी भाषा अध्ययनरत रहेको आफन्तले प्रहरीसमक्ष बताएका छन् ।
जापनिज भाषा अध्ययनरत रहेकाले उनी जापान जाने तयारीमा रहेको हुनसक्ने बुझिएको छ ।
