केरसिंह अदै, तौलिहवा ।
नेकपा (मसाल) कपिलवस्तुले एक सय बत्तिसौँ माओत्सेतुङ जन्मजयन्ती मनाएको छ ।
जिल्ला प्रवक्ता माधव भाटक्षत्री को अध्यक्षतामा २०८१ पुस ११ गते (डिसेम्बर २६) का दिन सो कार्यक्रम मनाइएको हो ।
कार्यक्रममा अखिल नेपाल किसान महासङ्घ (अप्फा) का केन्द्रीय उपाध्यक्ष शिव पौडेल, राजमो केन्द्रीय सल्लाहकार दधिराम आचार्य, अखिल नेपाल ट्रेड युनियन महासङ्घ (अन्टुक) का केन्द्रीय सदस्य तथा राष्ट्रिय जनमोर्चा कपिलवस्तुका सचिव केरसिंह अदै, अखिल नेपाल युवक सङ्घका केन्द्रीय सल्लाहकार देवेन्द्र कुँवर, अखिल नेपाल जनजाति सम्मेलनका केन्द्रीय सदस्य केहरसिंह पुनमगर, राजमो कपिलवस्तुका अध्यक्ष रामप्रसाद बेल्बासे, वामपन्थी बुद्धिजीवी डबलसिंह जिसीले मन्तव्य राख्नुभएको थियो ।
वक्ताहरूले माओको योगदान, चीनमा जनवादी क्रान्ति, जापानी साम्राज्यवादसँग लालसेनाको युद्ध, क्रान्तिकारी सेना र सैनिक रणनीति निर्माण, सांस्कृतिक क्रान्ति आदिबारेमा प्रकाश पार्नुभएको थियो ।
प्रगतिशील पत्रकार सङ्घका केन्द्रीय सल्लाहकार शशि सापकोटाको सञ्चालनमा अघि बढेको उक्त कार्यक्रममा रक्तिम सांस्कृतिक अभियानका कलाकारहरुले गीतसङ्गीत र नृत्य प्रस्तुत गर्नुभएको थियो ।
