तौलिहवा । कपिलवस्तुको विजयनगर गाउँपालिका वडा नं. २ मगरकट्टामा राष्ट्रिय जनमोर्चाको वडाभेला सम्पन्न भएको छ ।
राजमो कपिलवस्तुका सचिव केरसिंह अदैको प्रमुख आतिथ्यमा २०८१ भदौ १७ गते सोमबार उक्त भेला सम्पन्न भएको हो ।
भेलाले जितेन्द्र चाई अध्यक्ष रहनुभएको राजमोको वडा समिति पुनर्गठन गरेको छ ।
समितिको उपाध्यक्षमा हीरालाल तेली, सचिवमा घिरौँ भर र कोषाध्यक्षमा आज्ञाराम भर रहनुभएको छ ।
त्यस्तै, सदस्यहरूमा घीर्य भर, नानमती भर, राजकुमार चाई, नन्दलाल काहर र राजबहादुर भर रहनुभएको छ ।
भेलाले सल्लाहकारमा राजकुमार यादवलाई चयन गरेको छ ।
भेलामा प्रमुख अतिथि अदैले समसामयिक राजनीतिक परिस्थितिको बारेमा प्रकाश पार्नुभएको थियो ।
सो अवसरमा राजमो कपिलवस्तुका जिल्ला सदस्य नागराज योगी र राजमो विजयनगर पालिका अध्यक्ष गोविन्द परिवारले मन्तव्य व्यक्त गर्नुभएको थियो ।
हीरालाल तेलीको अध्यक्षता तथा जितेन्द्र चाईको सञ्चालनमा उक्त कार्यक्रम सम्पन्न भएको थियो ।
