महेश रिजाल, भालुबाङ ।
दाङको राप्तीमा गाउँपालिकामा रक्तिम सांस्कृतिक अभियानको तथा गढवामा अखिल नेपाल महिला सङ्घको भेला सम्पन्न भएको छ ।
रक्तिमका केन्द्रीय कोषाध्यक्ष अनन्तराज आचार्यको प्रमुख आतिथ्यमा २०८१ असार ८ गते शनिबार लालमटियामा उक्त भेला सम्पन्न भएको हो ।
भेलाको उद्घाटन प्रमुख अतिथि आचार्यले गर्नुभएको थियो ।
भेलाले विक्रम पाण्डे अध्यक्ष रहनुभएको रक्तिमको पालिका समिति गठन गरेको छ ।
समितिमा रमवचन चौधरी उपाध्यक्ष, शुशीला आचार्य सचिव र सङ्गिता खनाल कोषाध्यक्ष रहनुभएको छ ।
त्यस्तै, सदस्यहरूमा अस्मिता थापा, सम्पदा पोख्रेल, सङ्गिता बिएम, बलिभद्र भण्डारी र सागर पन्थी रहनुभएको छ भने सदस्यको दुई पछि पदपूर्ति गर्ने गरी रिक्त राखिएको छ ।
भेलालाई प्रमुख अतिथिका साथै विशिष्ट अतिथि अखिल नेपाल किसान महासङ्घ (अप्फा) का केन्द्रीय कोषाध्यक्ष प्रेमनारायण आचार्य, अखिल नेपाल बुद्धिजीवी सङ्घका केन्द्रीय सदस्य केशवराज खनाल, अखिल नेपाल जनजाति सम्मेलन दाङका अध्यक्ष रमेशमान गुरुङ, राष्ट्रिय जनमोर्चा राप्तीका का.वा. अध्यक्ष बाबुराम थापालगायतले शुभकामना मन्तव्य दिनुभएको थियो ।
महिला सङ्घको पनि भेला
त्यसैगरी, महिला सङ्घ गढवाको पालिका स्तरीय भेला गत बिहीबार सम्पन्न भएको छ ।
भेलाले अध्यक्षमा मीना रायमाझीलाई चयन गरेको छ भने उपाध्यक्षमा सरस्वती पोख्रेल, सचिवमा सीता न्यौपाने र कोषाध्यक्षमा सीता कवर गिरीलगायत १३ सदस्य गाउँ समिति गठन गरेको छ ।
भेलालाई प्रमुख अतिथि महिला सङ्घ दाङकी अध्यक्ष पूर्णिमा आचार्य, विशिष्ट अतिथि राजमो कार्यकारी अध्यक्ष रश्मिराज नेपाली, अखिल नेपाल शिक्षक महासङ्घका लालबहादुर भण्डारी, राजमोका टुकमान कुँवर र चिन्ताप्रसाद पोख्रेललगायतले शुभकामना दिनुभएको थियो ।
