टुकबहादुर रामदाम, मस्कट ।
बयालिसौँ मगर एकता दिवसको उपलक्ष्यमा नेपाल मगर सङ्घ ओमानले सातौँ बृहत् सांस्कृतिक कार्यक्रम सम्पन्न गरेको छ ।
मार्च १, २०२४ शुक्रबारका दिन मस्कटस्थित अलरफा पार्टी हलमा उक्त कार्यक्रम सम्पन्न भएको हो ।
कार्यक्रमको प्रमुख अतिथि ओमनस्थित राजदूतावासका द्वितीय सचिव विशेष शाह हुनुहुन्थ्यो ।
विशेष अतिथि सोसल क्लब ओमानका उपाध्यक्ष सुरेश खड्का रहनुभएको उक्त कार्यक्रममा ओमानमा क्रियाशील विभिन्न नेपाली सङ्घसंस्थाका प्रतिनिधि र समाजसेवीको आतिथ्य रहेको थियो ।
सङ्घका अध्यक्ष दिल रानामगरको अध्यक्षतामा सम्पन्न उक्त कार्यक्रमको सञ्चालन महासचिव झमक आलेमगरले गर्नुभएको थियो ।
कार्यक्रममा लोकगायिका सम्झना लामिछानेमगर, गायक रेशम थापामगरसहित दर्जनौँ स्थानीय कलाकारको प्रस्तुति रहेको थियो । सो अवसरमा नेपाली पञ्चेबाजा समूहद्वारा पञ्चेबाजा प्रस्तुत गरिएको थियो ।
कार्यक्रमको अन्त्यमा सम्पूर्ण अतिथि, कलाकारलगायत सहयोगकर्तालाई मायाको चिनो तथा सम्मानपत्र प्रदान गरिएको थियो ।
