तौलिहवा । कपिलवस्तुको शिवराज नगरपालिकामा रक्तिम सांस्कृतिक अभियानको प्रशिक्षण सम्पन्न भएको थियो ।
रक्तिम शिवराज नगर समितिको आयोजनामा २०८० माघ २७ गते शनिबार वडा नम्बर ३ मा सो कार्यक्रम सम्पन्न भएको हो ।
बुर्जुवा संस्कृति र प्रगतिशील संस्कृतिको विषयमा छलफल गरिएको उक्त कार्यक्रममा रक्तिमका जिल्ला अध्यक्ष बेगम बुढामगर, राष्ट्रिय जनमोर्चाका जिल्ला सचिव केरसिंह अदै र रक्तिमका जिल्ला उपाध्यक्ष राजु विकले प्रशिक्षण दिनुभएको थियो ।
सो अवसरमा रक्तिमका जिल्ला अध्यक्ष बुढामगरले रक्तिम सांस्कृतिक अभियान लोकप्रिय बन्दै गएकाले जनतालाई प्रगतिशील विचार, संस्कृतिमा ढाल्न टेवा पुगेको धारणा राख्नुभयो ।
राजमो सचिव अदैले समाजमा फैलिरहेको बुर्जुवा तथा छाडा संस्कृतिले प्रतिक्रियावादी व्यवस्थालाई मलजल गरिरहेको, अन्धविश्वास, विकृतिले समाजमा जरो गाडेको वर्तमान अवस्थामा रक्तिमले जनताको पीडालाई गीत र नृत्यमार्फत जनतासमक्ष पुर्याएको बताउनुभयो ।
रक्तिमका उपाध्यक्ष राजु विकले अनुशासनको महत्त्वबारे प्रकाश पार्नुभएको थियो ।
रक्तिमका नगर अध्यक्ष पूजा कुँवरको अधयक्षता तथा टिना अदैको सञ्चालनसँगै उक्त कार्यक्रम सम्पन्न भएको थियो ।
