कपिलवस्तु । राष्ट्रिय जनामोर्चा कपिलवस्तुले विजय नगर गाउँपालिका वडा नं १ को गुगौंलीका आगलागी पीडितलाई राहत वितरण गरेको छ । आगलागीबाट घर गोठ जलेर खुला आकाश मुनी बस्न बाध्य २५ परिवारलाई राजमोले राहत दिएको हो ।
यही चैत्र १२ गते आगलागी हुँदा २५ घर जलेर नष्ट भएको थियो भने १४ वटा गोठ पनि जलेका थिए । राजमो विजय नगर गाउँपालिकाले अग्नि पीडित २५ घर परिवारलाई नगद रु पाँच सयका दरले साथै साबुन, भाडा लगायत सामग्री वितरण गरेको छ ।
राजमो जिल्ला सल्लाहकार तथा अखिल नेपाल ट्रेड युनियन महासंघ (अन्टुुक) का केन्द्रीय सदस्य केर सिंह अदैले पीडितलाई घरैमा पुगी रहकत हस्तान्तरण गर्नुभयो ।
त्यस अवसरमा राष्ट्रिय जनमोर्चा विजय नगर गाउँपालिका अध्यक्ष गोपाल सुनार, सचिव गोविन्द परिवार, राजमो वडा न १का अध्यक्ष प्रभु यादव, २ का अध्यक्ष हिरालाल तेली, वडा नं ४ का अध्यक्ष विष्णु सुनार, वडा नं ५ का अध्यक्ष खदेरु पासी, ६ अध्यक्ष पतेश्वरी यादव, र ७ का अध्यक्ष विरेन्द्र कुमार चौधरी, अखिल नेपाल यातायात मजदुर युनियन कपिलवस्तु जिल्लाका अध्यक्ष नागराज योगीको उपस्थिति थियो ।
राजमो विजय नगर गाउँ समितिले घर बनाउन काठको व्यवस्था, तीनको व्यवस्था र राहतको व्यवस्था मिलाउन गाउँपालिकासँग, साझेदारी वनसँग पहल गर्ने बताएको छ । कोरोना भाइरस देखि साबधान रहन , अलग–अलग बस्ने , एकसाथ नबस्ने, साबुन पानीले हात धोई रहने, मास्कको प्रयोग गर्ने, सजकता अपनाउन समेत राजमोले अनुरोध गरेको छ ।
