काठमाडौं। चीनमा आफ्ना दुई सन्तानलाई झ्यालबाट खुालेर हत्या गर्ने बाबुआमालाई मृत्युदण्ड दिइएको छ । सन् २०२० मा दुई वर्षीया बालिका र एक वर्षीय बालकको हत्या गरेको अभियोगमा बालबालिकाका बुबा झाङ बो र सौतेनी आमा यी चेङचेनलाई दोषी ठहर गर्दै मृत्युदण्ड दिएको हो।
समाचारमा जनाइएअनुसार झाङको यीसँग अफेयर थियो र पछि आफ्नी श्रीमतीसँग सम्बन्धविच्छेद भयो । त्यसपछि उनले छोराछोरीको हत्या गर्ने षड्यन्त्र गर्न थालेको उनीमाथि आरोप थियो ।
चीनको सर्वोच्च अदालतले आफ्नो आदेशमा यस कार्यलाई ‘बर्बर’ भनेको छ । दुवैलाई बुधबार मृत्युदण्ड दिइएको हो । तर, मृत्युदण्ड कसरी दिइयो भन्ने स्पष्ट छैन ।
अदालतको सुनुवाइका क्रममा झाङले आफ्नो विवाह र परिचय लुकाएर अफेयर सुरु गरेको खुलासा भएपनि थाहा पाएपछि पनि यीले उनलाई भेट्ने क्रम जारी राखे । झाङले सन् २०२० को फेब्रुअरीमा आफ्नी श्रीमतीसँग सम्बन्धविच्छेद गरे तर यी दुई छोराछोरीलाई विवाहको सबैभन्दा ठूलो बाधक मानेका थिए ।
यसका लागि यीले झाङलाई बच्चाहरूलाई मार्न दबाब दिएकी थिइन् । नोभेम्बर २, २०२० मा, झाङले आफ्ना दुवै बच्चाहरूलाई १५औँ तलाको अपार्टमेन्टको झ्यालबाट फ्याँकिदिएको समाचारमा उल्लेख छ ।
