काठमाडौं । अवैध हिरासहित काठमाडौंबाट एक भारतीय नागरिक पक्राउ परेका छन् ।
Advertisement
भारत पश्चिम बंगाल घर भइ सुन्धारा बस्ने ४४ वर्षीय संजय मैतीलाई गएराति प्रहरीले पक्राउ गरेको हो।
वीरगञ्जबाट काठमाडौंतर्फ आउँदै गरेको ना।१ ज ५४७७ नम्बरको सुमोलाई फर्पिङ चेकपोष्टमा खटिएको प्रहरीले जाँच गर्ने क्रममा सुमोमा सवार उनलाई बिल नभएको भन्सारछली ल्याएको हिराजस्तो देखिने धातुसहित फेला पारेको हो।
उक्त धातु सुनचाँदी व्यवसायी संघबाट परीक्षण गर्दा हिरा भएको पुष्टी भएको प्रहरीले जनाएको छ।
यस सम्बन्धमा प्रहरीले आवश्यक अनुसन्धान गरिरहेको छ।
