पुष्कर भट्ट, महेन्द्रनगर ।
राष्ट्रिय जनमोर्चा कञ्चनपुर जिल्ला समितिले विश्वलाई त्रसित बनाइरहेको कोरोना भाइरसबाट बच्न जनचेतनामूलक पम्पलेट वितरण गरी यस भाइरसबाट सचेत हुन आम जनसमुदायमा अपिल गरेको छ ।
राष्ट्रिय जनमोर्चा कञ्चनपुर जिल्ला अध्यक्ष रामबहादुर कार्कीका अनुसार कञ्चनपुरलाइ लकडाउन गरेको बेला कर्फ्यु लगाएको कारण चैत्र ११ गतेदेखि स्थानीय प्रशासनमार्फत् वितरण हुने जानकारी गराउनुभयो ।
यस्तो छ अपिल :कोरोना भाइरस कसर सर्छ ? १. नाकबाट निस्केको सिँगानबाट, २. फोहोर हातबाट, ३. राम्ररी नपाकेको माछामासु, अण्डाजस्तो खानाबाट, ४. भाइरसबाट प्रभावित व्यक्तिको सम्पर्कबाट । कोरोना भाइरस का लक्षण : १. सिँगान बगिरहनु, २. घाँटी सुक्नु तथा दुख्नु, ३. रुघाखोकी लाग्नु, ४. लगातार टाउको दुख्नु, ५. श्वास फेर्न गाह्रो हुनु, ६. लगातार ज्वरो आउनु । कोरोना भाइरसबाट कसरी बच्ने ? १. साबुनपानीले राम्ररी हात धुने, २. खानेकुरा धोइपखालेर मात्रै खाने, ३. भिडभाडमा नजाने, ४. घरबाहिर निस्कदा मास्कको प्रयोग गर्न, ५. सकभर घरबाहिरको खाना नखाने, ६. जङ्गली तथा घरेलु जनावरको असुरक्षित सम्पर्क नगर्ने, ७. संक्रमित व्यक्तिलाई अलग्गै राखेर उपचार गर्ने ।
