काठमाडौं । काठमाडौंको बूढानीलकण्ठ नगरपालिका–१०, वालुवाखनीस्थित फेरिल्याण्ड इन्टरनेसनल स्कूलले प्रथम अन्तरविद्यालय फुटसल प्रतियोगिताको उपाधि उचालेको छ ।
प्रतियोगितामा काठमाडौं विद्यालय दोश्रो र लिभिङ वर्ल्ड स्कूलले तेश्रो स्थान हासिल गर्न सफल भए ।
बालुवाखनीस्थित श्रेष्ठ फुटसलमा भएको सो प्रतियोगिताका विजेता खेलाडीलाई बूनपाका प्रवक्ता तथा वडा नं १० का वडाअध्यक्ष नवराज भट्टराईले पुरस्कार वितरण गर्नुभयो ।
प्रतियोगितामा फेरिल्याण्ड स्कुलका प्रिन्स हमालले वेस्ट प्लेयरको उपाधि हात पारे। यस्तै, काठमाडौं विद्यालयका विजय खत्री वेस्ट गोलकिपर र लिभिङ वर्ल्ड एकेडेमीका सुवास गुरुङले हाइएस्ट स्कोर प्राप्त गर्न सफल भए ।
कार्यक्रममा समाजसेवी श्याम तिमिल्सिनाले खेलकुदको महत्त्वबारे प्रकाश पार्दै खेलाडी विद्यार्थीहरुलाई शुभकामना दिनुभएको थियो ।
फेरिल्याण्ड इन्टरनेशनल स्कूलका संस्थापक प्रिन्सिपल विष्णुचन्द्र अधिकारीको अध्यक्षतामा भएको कार्यक्रमको सञ्चालन विद्यालयका निर्देशक विनोद अधिकारीले गर्नुभएको थियो ।
कार्यक्रमको उद्घाटन बूनपा–१० का वडा सदस्य चन्द्रमान श्रेष्ठले गर्नुभएको थियो ।
