काठमाडौँ । चलचित्र “नालापानी” मा निर्देशन गर्नुभएका रिमेश अधिकारीले नयाँ चलचित्र “कोतपर्व” ल्याउने भएका छने ।

१९०३ असोज २ गते काठमाडौँको हनुमाढोका दरबारमा भएको नेपालको ऐतिहासिक हत्याकाण्ड “कोतपर्व” मा आधारित रही बन्ने सो चलचित्रको कथालेखन कार्य भइरहेकोे उहाँले जानकारी दिनुभयो ।

“कोतपर्व” महेश दवाडीले लेखिरहनुभएको छ ।

“नालापानी” धेरै दर्शकले रुचाएपछि निर्देशक अधिकारी “कोतपर्व” मा पनि चलचित्र बनाउने पे्ररणा मिलेको बताउनुभयो ।

‘हाम्रै नेपालको घटनाक्रमलाई पर्दामा देखाएर नयाँ पुस्तासम्म पुर्‍याउनु हामी चलचित्रकर्मीको दायित्व पनि हो’ निर्देशक अधिकारीले भन्नुभयो– ‘यो चलचित्र निर्माण सहज छैन यद्यपि समय लगाएर पनि यसलाई पर्दामा ल्याउने छु । यस्ता चलचित्रलाई निर्माण गर्न राज्यले पनि प्रोत्साहन दिनु आवश्यक छ ।’

पछिल्लो चलचित्र “नालापानी” मा चलचित्रसँग सम्बन्धित सङ्घसंस्था र राज्यबाट अपेक्षाकृत सहयोग नपाएको उहाँको गुनासो थियो ।