नयाँ दिल्ली । हरियाणा राज्यको पंचकुलामा शंकास्पद रुपमा मृत भेटिएकी नेपाली युवती चम्पा गन्धर्वको मृत्युबारे छानबिन गर्न मूल प्रवाह अखिल भारत नेपाली एकता समाजले नेपाली दूतावासको ध्यानाकर्षण गराएको छ ।
सोमबार एकता समाजका अध्यक्ष ठाकुर खनालको नेतृत्वमा गएको प्रतिनिधिमण्डलले घटनाबारे नयाँ दिल्लीस्थित दूतावासको ध्यानाकर्षण गराउँदै छानबिनको माग गरेको हो ।
ध्यानाकर्षण पत्रमा भनिएको छ, ‘मालिक र पुलिस प्रशासनले सो घटनालाई आत्महत्याको केस बनाई दबाउन प्रयास गरेको पाइएको छ । घटनाको प्रकृतिलाई सरसरी बुझ्दा आत्महत्याको घटना नभएर हत्या नै हो भन्ने प्रशस्त आधार छन् ।’
हरियाणा राज्यको पंचकुला सेक्टर ४ को एक कोठीमा २२ वर्षीया चम्पा गएको १६ मार्चमा शंकास्पद अवस्थामा मृत भेटिएकी थिइन् ।
उनको हत्या भएको आशंकामा छानबिनको माग गर्दै मूल प्रवाह अखिल भारत नेपाली एकता समाजलगायत नेपाली संघसंस्थाहरु आन्दोलित भएका छन्।
घटनाको तीन दिनसम्म पनि मृतकका आफन्तहरूबाट पटक पटक पुलिससँग एफआईआर दर्ज गर्न गरिरहेको अनुरोध अस्वीकार गरेपछि मूल प्रवाहसहित १० वटा संघसस्थाहरुले संयुक्त दबाब दिएपछि मात्रै पुलिसले एफआईआर दर्ज गरेको छ ।
युवती मृत्यु प्रकरण : नेपालीको दबाबपछि ‘एफआईआर’ दर्ज (भिडिओ)
भारतको पंचकुलामा नेपाली युवतीको रहस्यमय मृत्यु
चम्पाको शव कल्पना चावला मेडिकल कलेज करनालमा पोस्टमार्टमका लागि राखिएको छ । हरियाणा प्रहरीसँग १० जना नेपालीको टिम हाल करनाल गएको छ ।
