घोराही । मार्क्सवादी ज्ञानशाला दाङको आयोजनामा दर्शनको परिचय सम्बन्धी छलफल सम्पन्न भएको छ । प्रत्येक महिनाको अन्तिम शनिबार नियमित रुपमा हुने प्रशिक्षणात्मक छलफल अन्तर्गत शनिबार सो कार्यक्रम आयोजना गरिएको हो ।
कार्यक्रममा अध्यताहरु गणेश आचार्य, नुमेश घर्ती, अमृत वि।क।, समीर वली, विपिन आचार्य, शारदा न्यौपाने, सुनिता आचार्य, दिनेश रैदाश, सूर्य वि।सी।, नारायण परियार लगायतका व्यक्तिहरुको दर्शनसँग विविध पक्षहरुका बारेमा आ–आफ्ना बुझाईहरु राख्नुभएको थियो ।
ज्ञानशाला दर्शन विमर्श श्रृंखलाको पहिलो भाग अन्तर्गत भएको कार्यक्रममा दर्शनको परिचय, पक्षधरता, आम मानिसहरुको जीवनमा दर्शनको प्रभाव, सामाजिक–आर्थिक रुपान्तरणमा यसको महत्व र भूमिका लगायतका विषयहरुमा छलफल भएको थियो ।
मार्क्सवादी ज्ञानशाला दाङका अध्यक्ष बुद्धिप्रकाश धितालले समाजमा अध्ययन संस्कृतिको खडेरी परेको र राजनीतिक आन्दोलनभित्र पनि दर्शनजस्तो महत्वपूर्ण विषयमा शिक्षण–प्रशिक्षणको एजेण्डा उपेक्षित भएको बताउनुभयो । उहाँले पुरानो सँगै नयाँ पुस्तालाई पनि गम्भीर विषयवस्तुहरुको अध्ययनतर्फ आकर्षित गर्नका लागि ज्ञानशाला छलफल श्रृंखलालाई निरन्तरता दिने जानकारी गराउनुभयो ।
ज्ञानशालाका अध्यक्ष धितालको अध्यक्षतामा भएको कार्यक्रमको सहजीकरण प्रमोद धितालले गर्नुभएको थियो ।
