म्याग्दी । अखिल नेपाल महिला संघको शुक्रबार सम्पन्न पाँचौ जिल्ला सम्मेलनले बिष्णु कार्कीलाई अध्यक्ष चयन गरेको छ ।

समितिको उपाध्यक्षमा दीपा बराईली, सचिव मीनाक्षी पुन, कोषाध्यक्ष माया जिसी र सहसचिव खिमकुमारी श्रीपाली रहनुभएको छ । सदस्यहरु सुवा बिक, सुनमाया बिक, सुनिता सेञ्चुरी र लिला थापा रहनुभएको छ भने सल्लाहाकार लक्ष्मी कार्की, गीता थापा र झरना बिक रहनुभएको छ ।

बिष्णु कार्कीको अध्यक्षतामा सम्पन्न भेलाको उद्घाटन महिला नेत्री लक्ष्मी बास्कोटाले गर्नुभएको थियो ।

दिपा बराईलीको सञ्चालन तथा मिनाक्षी पुनले स्वागत गर्नुभएको कार्यक्रममा राष्ट्रिय जनमोर्चाका जिल्ला अध्यक्ष छवि विकले सम्मेलन सफलताको शुभकामना दिनु भएको थियो ।