सुर्खेत । एमसीसी र सीमा अतिक्रमण विरुद्ध नेकपा (मसाल) सहितका नौ दलले शुक्रबार सुर्खेतमा संयुक्त प्रदर्शनको तयारी गरेका छन् । बिहीबार सुर्खेतमा पत्रकार सम्मेलन गरी नौ दलले जनप्रदर्शन बारे जानकारी दिएका हुन् ।
कार्यक्रममा पत्रकारहरुको प्रश्नको जवाफ दिँदै राजमो कर्णालीका अध्यक्ष भरत शाहीले अमेरिकी मिलेनियम च्यालेञ्ज कोअपरेसन (एमसीसी) कुनै पनि हालतमा पारित गर्न नहुने बताउनुभयो । त्यसको लागि नौ दलले देशका ७ वटै प्रदेशबाट सरकारलाई खबरदारी गर्न लागिएको उहाँले जानकारी दिनुभयो ।शाहीले भारतले लिपुलेख, लिम्पियाधुरा र कालापानी लगायत भूमिमाथि कब्जा गरेको प्रशंग उल्लेख गर्दै अतिक्रमित भूमि फिर्ता गर्न देशभक्तहरु एकजुट हुनुपर्ने बताउनुभयो ।
नेकपा क्रान्तीकारी माओवादीका पोलिटब्युरो सदस्य चक्रपाणी शर्माको अध्यक्षता र राष्ट्रिय जनमोर्चा कर्णाली प्रदेशका उपाध्यक्ष कमलबिक्रम शाहीको सञ्चालनमा भएको पत्रकार भेटघाट कार्यक्रममा राजमो केन्द्रीय सदस्य रत्न बिक्रम प्यासी, नेकपा मालेका केन्द्रीय सदस्य बलबहादुर गिरी र राजमो नेता भरत शाहीले धारणा राख्नुभएको थियो ।
नेकपा (मसाल) र क्रान्तिकारी माओवादी० सहित नौ दलले एमसीसी र सीमा अतिक्रमण विरुद्ध शुक्रबार सुर्खेतसहित काठमाडौँ, विराटनगर, जनकपुर, पोखरा, बुटवल, र धनगढीमा विरोध प्रदर्शनको तयारी गरेका छन् ।
यो पनि पढ्नुहोस्ः
एमसीसी र सीमा अतिक्रमण विरुद्ध संयुक्त संघर्ष गर्ने नौ दलको घोषणा
