काठमाडौं । तेश्रो जुनियर आमन्त्रण मेयर कप तेक्वान्दो प्रतियोगितामा बूढानीलकण्ठ नगरपालिकाकी खेलाडी युनिका खतिवडा उत्कृष्ट भएकी छन् ।
जनकल्याण माविमा अध्ययनरत युनिकाले पुम्से विधामा सवोत्कृष्ट हुँदै स्वर्ण पदक जितिन् । यस्तै, उनले एक सय डलर पुरस्कार पनि पाएको प्रशिक्षक दीपक दुलालले जानकारी दिनुभयो ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा शनिबार सम्पन्न प्रतियोगितामा गेरोगीतर्फ पुरुषमा आयोजक ‘बी’ का सुरेशहाङ लिम्बू तथा महिलामा काठमाडौंकी दिया रजक उत्कृष्ट खेलाडी घोषित भए ।
यस्तै, पुम्सेको महिलातर्फ युनिका र पुरुषमा गोदावरी नगरपालिकाका पिरव महर्जन उत्कृष्ट खेलाडी चुनिएका हुन् । उत्कृष्ट चारै जनाले १ सय अमेरिकी डलर नगद पुरस्कार पाए ।
प्रतियोगितामा काठमाडौं महानगरपालिका टिम च्याम्पियन बनेको छ । काठमाडौंले ८ स्वर्ण, २ रजत र १ कांस्य जित्दै समग्रमा टिम च्याम्पियन बनेको हो ।
यस्तै, ३ स्वर्ण, १ रजत र ३ कांस्य जित्दै आयोजक जैशीदेवल युथ क्लब ‘बी’ दोश्रो भयो भने भक्तपुर नगरपालिकाले २ स्वर्ण र ४ कांस्यसहिशत तेश्रो स्थान हात पार्यो ।
प्रतियोगितामा काठमाडौंका सौरभ रजक उत्कृष्ट प्रशिक्षक तथा भाष्कर श्रेष्ठ उत्कृष्ट निर्णायक बने । दुवैले जनही १ सय ५० अमेरिकी डलर पुरस्कार हात पारे ।
आयोजकको २ सहित २० टिम सहभागी २० स्पर्धामा ३ सय खेलाडी सहभागी थिए । विजेतालाई काठमाडौं महानगरपालिकाका प्रवक्ता एवं वडा १७ का अध्यक्ष नवीन मानन्धर, आयोजक क्लबका अध्यक्ष राजेश प्रजापतिलगायतले एक कार्यक्रमबीच पुरस्कृत गरे ।
बूढानीलकण्ठकी कृतिकालाई स्वर्ण
प्रतियोगितामा बूढानीलकण्ठ नगरपालिकाकी खेलाडी कृतिका कटवालले ग्यारोगी विधामा स्वर्ण पदक जितिन् ।
बालुवाखानीस्थित फेरिल्याण्ड इन्टरनेसनल स्कुलकी खेलाडी कृतिकाले यसअघि थाइल्याण्डमा सम्पन्न अन्तर्राष्ट्रिय हिरोज भर्चुअल प्रतियोगितामा कास्य पदक जितेकी थिइन् । सो प्रतियोगितामा फेरिल्याण्डले दुई स्वर्ण, एक रजत र चार कांश्य पदक जितेको थियो ।
यस्तै, कृतिकाले त्यसअघि गत चैत १३ र १४ गते सुर्खेतमा भएको तेश्रो रास्ट्रिय खुल्ला तेक्वान्दो प्रतियोगितामासमेत तेस्रो हुँदै कास्य पदक जितेकी थिइन् भने दुई वर्ष अघि पनि उनले माउन्ट एभरेष्ट नेशनल गेममा तेस्रो हुँदै पदक जितेकी थिइन् ।
प्रतियोगितामा बूढानीलकण्ठका दुई खेलाडीले स्वर्णसहित एक जना उत्कृष्ट घोषित भएपछि खुशी लागेको प्रशिक्षक दीपक दुलालले बताउनुभयो ।
‘यो हाम्रो सुरुवात हो । अन्य खेलाडीले पदक प्राप्त नगरेपनि अनुभव लिने मौका पाए’ प्रशिक्षक दुलाले युगदर्शनसँग भन्नुभयो, ‘आगामी दिनमा अझ राम्रो नतिजा निकाल्ने कुरामा म दृढ छु ।’
फेरिल्याण्ड स्कुलकी छात्रा कृतिकालाई रास्ट्रिय महिला तेक्वान्दोमा कास्य पदक
अन्तर्राष्ट्रिय तेक्वान्दो प्रतियोगितामा फेरिल्याण्डलाई सात पदक, कृपा र अन्सले जिते स्वर्ण
