डोटी । डोटी जिल्लाको केआईसिंह गाउँपालिकाका विभिन्न वडामा राष्ट्रिय जनमोर्चाले संगठन बिस्तार गरेको छ । आइतबार सो गाउँपालिकाको वडा नं ६ र ७ मा भेला गरी संगठन निर्माण गरिएको राजमो डोटीका सचिव केशवनाथ योगीले जानकारी दिनुभयो ।

वडा नं ६ को नवगठित समितिको अध्यक्षमा हरिप्रसाद भट्टराई चयन हुनुभएको छ । समितिको उपाध्यक्षमा शिवराज भट्ट, सचिव डिल बलायर, कोषाध्यक्षमा केशव खड्का तथा सदस्यहरुमा लक्ष्मी भट्टराई, कालुराम भट्टराई, धनबहादुर खड्का, नरेन्द्र बलायर र हिरा भुल रहनुभएको छ ।

यस्तै, वडा नं ७ मा लाल बिठाडीको अध्यक्षतामा वडा समिति गठन गरिएको छ । समितिको उपाध्यक्षमा देवनाथ योगी, सचिव लक्ष्मण भण्डारी र कोषाध्यक्ष घनश्याम बेलाल चयन हुनुभएको छ । सदस्यहरुमा तारासिंह बिठाडी, तारासिंह बलायर, दिर्घसिंह भण्डारी, चन्द्रनाथ योगी र गणेश भण्डारी रहनुभएको छ ।