डोटी । अखिल नेपाल महिला संघ र रक्तिम सांस्कृतिक अभियान डोटीको संयुक्त जिल्ला भेला भूमिराजमाडौं गाउँपालिकामा सम्पन्न भएको छ । शनिबार सम्पन्न भेलाले दुबै संगठनको जिल्ला समिति पुनर्गठन गरेको छ ।

महिला संघको नवगठित जिल्ला समितिको संयोजकमा लक्ष्मी भट्टराई चयन हुनुभएको छ । समितिको सदस्यहरुमा कन्धरी भुल, बिमला भट्टराई, रत्ना भट्टराई, वाशुदेवी तिरुला, लक्ष्मीनाथ योगी, बिजया भट्ट र दुर्गा बिक रहनुभएको छ । एक स्थान रिक्त राखिएको छ ।

यस्तै, रक्तिम सांस्कृतिक अभियानको संयोजकमा तारासिंह बलायर चयन हुनुभएको छ । सदस्यहरुमा केशव खड्का, नविन बिक, राम नेपाली, पुजा बिक, लाल बिडारी, नरेश आले र लक्ष्मण नेपाली रहनुभएको छ भने एक स्थान रिक्त राखिएको छ ।

कार्यक्रममा राजमोका जिल्ला उपाध्यक्ष रमेश अवस्थी, सचिव केशवनाथ योगी, अखिल नेपाल जनजाती सम्मेलनका केन्द्रीय सदस्य नरेश आले, अखिल (छैठौं) का प्रदेश उपाध्यक्ष हेमराज चन्द, राजमो नेता नरेन्द्र बलायरलगायतका वक्ताहरुले भेला सफलताको शुभकामना दिनुभएको थियो ।

लक्ष्मी भट्टराईको अध्यक्षता, डिलबहादुर बलायरको सञ्चालन तथा तारासिंह बलायरको स्वागत मन्तव्यबाट अघि बढेको संयुक्त भेलामा मूलप्रवाह अखिल भारत नेपाली एकता समाजका हरिप्रसाद भट्टराई, युवक संघका जिल्ला उपाध्यक्ष शिवराज भट्ट, किसान संघका देवनाथ योगी, राजमो पूर्व अध्यक्ष लक्ष्मण भण्डारी, समाजसेवी डिलबहादुर बलायर, युवक संघका पूर्व अध्यक्ष प्रेमनाथ योगी, रक्तिमका जिल्ला संयोजक नविन बिकलगायत नेताहरुको आतिथ्यता रहेको थियो ।

महिला संघको संयुक्त वडा समिति गठन
यता, डोटीकै केआईसिंह गाउँपालिका वडा नं ६ र ७ मा अखिल नेपाल महिला संघको संयुक्त वडा समिति गठन गरिएको छ । शनिबार सम्पन्न भेलाले लक्ष्मी भट्टराईको अध्यक्षतामा संयुक्त समिति गठन गरेको हो ।

समितिको उपाध्यक्षमा लक्ष्मी नाथ योगी, सचिव कोपिला तिरुवा र कोषाध्यक्ष सन्तली नाथ योगी तथा सदस्यहरुमा बिमला भट्टराई, भावना नाथ योगी, पशुपति भुल, रत्ना भट्टराई र लक्ष्मी भट्टराई रहनुभएको छ ।