धनगढी । राष्ट्रिय जनमोर्चा धनगढी उपमहानगरको भेला शनिबार सम्पन्न भएको छ । भेलाले डबल बोगटीको अध्यक्षतामा १३ सदस्यीय नगर समिति निर्वाचित गरेको छ ।
समितिको उपाध्यक्षमा जगदिश राना, सचिव टिकाराम नेपाली, सहसचिव अन्जना मास्के र कोषाध्यक्ष रामकिसन राना चयन हुनुभएको छ । सदस्यहरुमा शिबराज जैशी, मान कुमारी सोब, छोटेलाल राना, मान बहादुर चौधरी, दिनेश आउजी, सोनु कुमार चौधरी, खडक सिंह चन्द रहनुभएको छ । एक स्थान रिक्त राखिएको छ ।
राजमो कैलाली जिल्ला सचिव जगत प्रसाद जोशीका प्रमुख आतिथ्यतामा सम्पन्न भेलाको अध्यक्षता नगर समितिका जेस्ठ सदस्य चन्द्र बहादुर बिस्टले गर्नुभएको थियो भने सञ्चालन डबल बोगटी र स्वागत टिकाराम नेपालीले गर्नु भएको थियो ।
भेलालाई अखिल नेपाल जनजाती सम्मेलनका केन्द्रीय कोषाध्यक्ष खडक राना, रक्तिम सांस्कृतिक अभियानका केन्द्रीय सदस्य बाबुराम आचार्य, अखिल नेपाल महिला संघका जिल्ला उपाध्यक्ष अन्जना मास्के, अखिल नेपाल बुद्धिजीवी संघका जिल्ला कोषाध्यक्ष शोभामणी भट्ट लगायतले सफलताको शुभकामना दिनुभएको थियो।
