शंकरप्रसाद पोखरेल
गुल्मी । अखिल नेपाल महिला संघ गुल्मीको जिल्ला सम्मेलन सम्पन्न भएको छ । सम्मेलनले तारा थापाको अध्यक्षतामा अनेमसंघ गुल्मी जिल्ला समिति चयन गरेको छ ।

समितिको सचिवमा जमुना कुवँर, कोषाध्यक्षमा धना कुवँर तथा सदस्यहरु कुमारी केदी, चन्द्रा राना पुन, लिला कुवँर कमला थापा, पार्वती घर्ती, खिमा झाक्री, नरमाया थापा, कृष्णा भन्डारी र मिना पुन रहनुभएको छ ।

अनेमसंघका केन्द्रीय उपाध्यक्ष सकुन्तला रानाले उद्घाटन गर्नुभएको सो कार्यक्रममा प्रदेश ५ का सांसद तारा थापा क्षेत्रीले शुभकामना दिनुभएको थियो । यस्तै, नेकपा (मसाल) का जिल्ला प्रवक्ता ओमेन्द्र कुवँर, राष्ट्रिय जनमोर्चाका जिल्ला अध्यक्ष जीवन राना, सचिव छविलाला सर्तुङ्गीलगायत नेताहरुले सम्बोधन गर्नुभएको थियो ।

कार्यक्रममा कमल अर्याल र गुमान पुनकोसमेत आतिथ्यता रहेको थियो ।