काबुल । अफगानिस्तनमा एक सयभन्दा बढी अफगान महिला विद्यार्थीले अक्टोबर २, २०२२ आइतबारका पश्चिमी सहर हेरातमा प्रदर्शन गरेका छन् ।
परीक्षाको तयारीमा भइरहेको एक कक्षाकोठामा आत्मघाती बम विष्फोटको विरोध गर्दै उनीहरूले सो प्रदर्शन गरेका थिए ।
सयौँ विद्यार्थीले विश्वविद्यालय भर्नाका लागि परीक्षा प्रशिक्षण लिइरहेका अवस्था भएको सो विस्फोटमा परी ३५ जना मारिनुका र अन्य ८२ जना घाइते भएका थिए ।
धेरैजसो हजारा मुसलमान समुदायका व्यक्तिले हेरात आक्रमणको विरुद्धमा जुलुस निकालेका थिए । यो आक्रमण हालैका वर्षमा अल्पसङ्ख्यकमाथि हमला सबैभन्दा घातकमध्ये एक भएको बताइएको छ ।
“शिक्षा हाम्रो अधिकार हो, नरसंहार अपराध हो” भन्दै नारा लगाएका प्रदर्शनकारीले हेरात विश्वविद्यालयबाट प्रान्तीय गभर्नरसम्म प्रदर्शनन गरेका थिए ।
महिला अधिकारको विरोधमा तालिबान सत्तामा फर्किएदेखि अधिकारीसँग तनावपूर्ण अवरोध देखिएका छन् । प्रदर्शनकारीलाई हिरासतमा राखिएको छ । हवाई फायरिङद्वारा प्रदर्शन दबाइएको प्राप्त समाचारमा उल्लेख छ ।
तालिबानद्वारा महिलामाथि लगाइएको प्रतिबन्ध विरुद्धमा काबुलमा धेरै महिला कार्यकर्ताले अझै पनि छिटपुट विरोध प्रदर्शन गर्ने प्रयास गरेका छन् । (रासस/एएफपी)
