आमा,
तिमी त पटक पटक घाइते भईरहन्छ्यौ,
तिमीलाई निष्ठुरी छिमेकीले लुछाचुँडी गरिरहँदा
र अस्मितामाथि धावा बोलेर अप्ठ्यारो पारिरहँदा
मलाई ‘बचाउ’ भनेर ठुलै आवाजमा चीत्कार गरी
पटक पटक आवाज निकाली रहेकी छ्यौ ।
आमा,
हामी गरिब भएकै कारण हो,
हेर त ऊ पारिको छिमेकीले वर्सौंदेखि हेपिरहेको छ,
हामी पैत्रिक सम्पतीको सुरक्षा गर्ने बुद्धि विवेकको कमारो भएकै कारण
हाम्रो सम्पती हरण गर्न खोजिरहेको छ ।
आमा,
हामीलाई थाहा छ,
ऊ त्यही पारिको हो
हामी रातमा सुतिरहेको अबस्थामा सुटुक्क साँध किल्लाहरु
सारेको र ढालेको,
बिहान उठेर मेरो सम्पती खोई ? भनी मौलिक हक अधिकार खोज्दा
खुट्टा सुर्किने र लडाई गर्न तम्सेको ।
आमा,
त्यही पारिको छिमेकी हो
तिमीलाई छलकपट गरी
तिम्रो ईज्जत माथि धावा बोल्ने कोसिश गरेको,
तिमीले मलाई गर्भमा बोकेको बेला
तिमीले खाने खुराक र तिमिले देख्ने सपनामा ‘खुकुरी खुकुरी’ भनेको
तिम्रो गर्भमा हुर्की रहेको बेला
त्यहीं मेरो दिमागी यन्त्रमा शक्तिशाली बिजारोपण भयो र
तिमीले पारिको दुस्मनलाई हानेर लखेट भनेकी थियौ ।
आमा ,
मैले तिम्रो गर्भबाट जब यस भुगोलमा पाईला टेकें,
तलमाथि वारिपारिकोलाई, झनै ऊ पारिकोलाई छिट्टै चिनें ,
मलाई तिमीले सिंगो राष्ट्रिय सम्पती रक्षा गर्न दिएको खुराक खुकुरी
तथापि मलाई ससारसँग लड्न दिएको खुराक बैचारिकरुपमा
र खुकुरी कम्मरमा भिरेको छु आमा,
प्राण रहुन्जेल ऊ पारिकोलाई छोड्दिन आमा ।
आमा ,
ऊ पारिको त्यही छिमेकि हो ,
तिम्रो इज्जत माथि हमला गर्ने
हाम्रो पैत्रिक सम्पती लुटपाट गर्न आँट गर्ने,
यद्यपि मलाई तिमीले प्राण दिएर हाम्रा पुर्खाले आर्जेको सम्पती बचाउने निर्देशन दिएकि छौ
अब म त्यस छिमेकीलाई छोड्दिन आमा ।
आमा ,
हेर त तिमीले मलाई जीवन दिएर ठुलै गुन लगाएकी छौ त
यो गुन त युगान्तकारी गुन हो
आमा जब त्यतिबेला त्यही दुःख परेको बेला आमा बचाउन संसार भरी छरिएका सबै सन्तती छोराछोरीहरुलाई तिम्रो जीवन रक्षाको लागि मुक्तिमोर्चा तैयारी गरिरहेको छु आमा ।
यद्यपि तिम्रो सुरक्षा लागि पूर्व बिहानीको सुर्यको लालकिरण झैं
उज्यालो लिएर यही धर्तिमा चम्किरहने छु आमा ।।।
जनक बिसी साउथ ईन्डिया (कोचिन)
