काठमाडौं । बूढानीकण्ठ नगरपालिका–१० बालुवाखानीमा रहेको फेरिल्याण्ड इन्टरनेसन स्कुलले नृत्यमा लगातार विभिन्न सफल स्थान प्राप्त गरेको छ ।
बूढानीलकण्ठ शैक्षिक फोरमद्वारा आयोजित बूढानीलकण्ठ नगरपालिका स्तरीय तीज नृत्य प्रतियोगितामा स्कूलले तेस्रो स्थान प्राप्त गर्न सफल भएको प्रिन्सिपल विष्णुचन्द्र अधिकारीले जानकारी दिनुभयो ।
यस्तै, आइतबार काठमाडौं प्याब्सनद्वारा आयोजित काठमाडौं उपत्यकाब्यापी तीज नृत्यमा विद्यालयले आठौं स्थान प्राप्त गर्न सफल भएको छ।
यसअघि साउन २८ गते काठमाडौं उपत्यकास्तरीय अन्तर विद्यालय तीज गीत प्रतियोगितामा पनि विद्यालयले दोस्रो स्थान प्राप्त गरेको थियो। सो प्रतियोगितामा उपत्यकाका ३२ वटा विद्यालयका छात्राहरु सहभागि थिए ।
त्यसअघि नृत्य निर्देशक संघ नेपालको स्थापना दिवसको अवसरमा साउन २७ गते आयोजित उपत्यकाका दुई सय विद्यालयहरुबीचको नृत्य प्रतियोगिता पनि फेरिल्याण्ड स्कुल दोस्रो भएको थियो । नृत्यसँगै विद्यालयले खेलकुद लगायतका गतिविधिमा पनि लगातार पदक जित्दै आएको छ।
- उपत्यकाव्यापी तीज गीत प्रतियोगितामा हिमालय पहिलो, फेरिल्यान्ड दोस्रो
- दुईसय बढी विद्यालय सहभागी नृत्य प्रतियोगितामा आकाशदीप प्रथम, फेरिल्याण्ड दोस्रो
