काठमाडौँ । गुल्मी कालीगण्डकी गाउँपालिकाको वडा नं. ६ मा राष्ट्रिय जनमोर्चाका पुरन थापामगर वडाअध्यक्षमा विजयी हुनुभएको छ । त्यसैगरी राजमोकै हरिकला थापा सोही वडाको वडासदस्यमा विजयी हुनुभएको छ ।
२०७९ जेठ ३ गते बिहान सकिएको मतगणनामा पुरन थापाले १०४७ मत लिई विजय हासिल गर्नुभएको हो । त्यस्तै, वडासदस्य हरिकला थापाले १०४६ मत प्राप्त गर्नुभयो । वडाअध्यक्षमा पुरन थापाको पूरै प्यानलले विजय हासिल गरेको छ ।
यता, कालीगण्डकी गाउँपालिकाको अध्यक्षमा गठबन्धनको तर्फबाट नेपाली काङ्ग्रेसका वेदबहादुर थापामगरले ४८१० मत लिई विजयी हुनुभएको छ । उहाँका निकटतम प्रतिद्वन्द्वी नेकपा (एमाले) का रामजी ढकालले ४६७७ मत प्राप्त गर्नुभएको थियो ।
त्यस्तै, उपाध्यक्षमा नेकपा (माओवादी केन्द्र) का मन्जुकुमारी दर्लामीले ४४८४ मत प्राप्त गरी विजयी हुनुभएको छ भने राष्ट्रिय जनमोर्चा तारा थापाले ४३८४ मत प्राप्त गर्नुभएको थियो ।
