कपिलवस्तु । राष्ट्रिय जनमोर्चाले कपिलवस्तुका विभिन्न वडा तथा टोलमा निर्वाचन केन्द्रित भेला जारी राखेको छ । स्थानीयस्तरमा संगठन विस्तारसँगै आसन्न स्थानीय तहको निर्वाचनमा जनमोर्चाका उम्मेवारलाई विजयी गराउन प्रचार प्रसार समिति गठन भइरहेका छन् ।
शिवराज नगरपालिका वडा नं ४ को बनकटीमा राष्ट्रिय जनमोर्चाको टोल समिति गठन गरिएको छ । शनिबार सम्पन्न भेलाले बेलौता विकको अध्यक्षतामा टोल समिति गठबन गरेको हो ।
समितिमा सरस्वती नेपाली सचिव र रमेश विक कोषाध्यक्ष रहनुभएको छ भने सदस्यहरूमा शकुन्तला जिसी, सिता कुँवर, राज कुमार सुनार, जलासपी सुनार रहनुभएको छ । सल्लाहकारमा पदम जिसि र मेनका विक रहनु भएको छ ।
भेलामा राष्ट्रिय जनमोर्चा जिल्ला सल्लाहकार तथा अखिल नेपाल ट्रेड यूनियन महासंघ (अन्टुक) का केन्द्रीय सदस्य केर सिंह अदै र जातीय समता समाजका केन्द्रीय सल्लाहकार दिल बहादुर विकले राजनीतिक विषय र स्थानीय निर्वाचनको विषयमा प्रकाश पार्नु भएको थियो ।
समितिको बैठकले चुनाव प्रचारमा लाग्ने, टोलबाट दलित महिला उम्मेदारी दिने निर्णय गरेको छ ।
यसैगरी शिवराज नगरपालिका वडा नं ९ को १० नम्बरमा राष्ट्रिय जनमोर्चाको भेलाले टोर बहादुर जिसीको संयोजकत्व मा १५ सदस्सीय चुनाव प्रचार प्रसार समिति गठन गरेको छ ।
भेलामा राष्ट्रिय जनमोर्चा जिल्ला सदस्य तथा राष्ट्रिय जनमोर्चा शिवराज नगर समिति अध्यक्ष, केहर सिंह पुन र नगर सचिव तथा रक्तिम सांस्कृतिक अभियान शिवराजका अध्यक्ष बेगम बुढा मगर ले राजनीतिक परिस्थिति र स्थानीय निर्वाचनको बारेमा प्रकाश पार्नु भएको थियो ।
यसैगरी शिवराज नगरपालिका वडा नं ३ को कन्दौली टोल र मधवाको गिद्दौरामा प्रशिक्षण कार्यक्रम सम्पन्न भएको छ । तत्कालीन राजनीतिक परिस्थिति राष्ट्रिय जनमोर्चाको नीति, कार्यक्रम र स्थानीय निर्वाचनको बारेमा राष्ट्रिय जनमोर्चा जिल्ला सल्लाकार तथा अखिल नेपाल ट्रेड यूनियन महासंघ (अन्टुक) का केन्द्रीय सदस्य केर सिंह अदै, जातीय समता समाजका केन्द्रीय सल्लाहकार दिल बहादुर विक, राष्ट्रिय जनमोर्चा जिल्ला कोषाध्यक्ष चेतनारायण खनालले प्रकाश पार्नु भएको थियो ।
यसैगरी राष्ट्रिय जनमोर्चा शिवराज नगर पालिका वडा नं ५ को भेला चनौतामा सम्पन्न भएको छ । भेलाले बेगम बुढाको संयोजकत्व मा २५ सदस्सीय चुनाव प्रचार प्रसार समिति गठन गरेको छ ।
