हैदरावाद (भारत) । मूल प्रवाह अखिल भारत नेपाली एकता समाजको मध्य दक्षिण क्षेत्रीय समिति तथा महिला क्षेत्रीय विभागको आयोजनामा हैदराबादको सेकेन्दराबादस्थित शिख भिलेजको कम्युनिटी हलमा आठौँ अखिल भारत सम्मेलनको सन्देशसभा सम्पन्न भएको छ ।
सम्मेलनलाई सम्बोधन गर्दै केन्द्रीय उपाध्यक्ष प्रेम पौडेलले भारतमा मूल प्रवाह शोषित–पीडित नेपालीको आशाको केन्द्र बनेको बताउनुभयो ।
उपाध्यक्ष खनालले भन्नु भयो– ‘७७ दिनको समयावधि नरहेको सन्दर्भमा यति भव्य रूपमा सम्मेलन सम्पन्न हुनु निकै गौरव र अविस्मरणीय घटना हो ।
त्यस्तै, अन्तर्राष्ट्रिय महिला श्रमिक दिवसको बारेमा चर्चा गर्दै उहाँले महिलाका हक–अधिकारका लागि स्वयम् महिलाहरू नै सङ्गठित हुनुपर्ने बताउनुभयो ।
सन्देशसभामा केन्द्रीय सदस्य रामप्रसाद पौडेल, केन्द्रीय वैकल्पिक सदस्य कृष्णबहादुर थापाका साथै तिलक राना, थानबहादुर क्षेत्री, राजु दुलाल, सम्झना दुलाल, गङ्गा कडायत, मोहनलाल शर्मा, जीवनाथ शर्मा, विकास परियार, सीता थापा, कृष्णकुमारी विक, बिजुला शर्मा, कमला शर्मा, विष्णु थापा, इश्वरा पौडेल, हिरा पौडेल, लालबहादुर थापा, दिनामणि पौडेल, झलक पुन, तेजेन्द्रप्रसाद शर्मा, सूर्यबहादुर थापा, यशोधा पौडेललगायत वक्ताहरूले सम्बोधन गर्नुभएको थियो ।
कार्यक्रमको अध्यक्षता घनश्याम शर्माले, सञ्चालन पुष्पा पौडेलले, स्वागत माया थापा र कलाकारहरूले गर्नुभएको थियो ।
